ആലൂ പറാത്ത

ആലൂ പറാത്ത ഒരു നോർത്ത് ഇന്ത്യൻ ഡിഷാണ് . ഒരു റൈത്തയും മാങ്ങാ അച്ചാറുമുണ്ടെങ്കിൽ സൈഡ് ആയിട്ട് വേറൊന്നും വേണ്ട . പരത്തി യെടുക്കുമ്പോൾ മാത്രം അല്പം ഒന്ന് ശ്രെദ്ധിക്കണം . അതൊഴിച്ചൽ വളരെ ഈസി ആയിട്ട് നമുക്കിത് തയ്യാറാക്കാം . ഒരിക്കലും വെളിച്ചെണ്ണ ചേർത്ത്‌ ആലൂ പറാത്ത തയ്യാറാക്കരുത് . മറ്റൊരു കാര്യം ഫില്ലിങ്ങിൽ വെള്ളത്തിന്റെ അംശം ഒട്ടും ഇല്ലാതെ ശ്രേദ്ധിക്കണം .

ആവശ്യമുള്ള സാധനങ്ങൾ :

മാവ് കുഴയ്ക്കാൻ :-

ഗോതമ്പ് പൊടി - 2 1/ 2 കപ്പ്

ഇളം ചൂട് വെള്ളം - 1 1/ 4 കപ്പ് ( ഏകദേശം )

ഉപ്പ് - ആവശ്യത്തിന്

ഫില്ലിംഗ് തയ്യാറാക്കാൻ :-

ഉരുളൻ കിഴങ്ങ് - 2 വലുത് നന്നായി വേവിച്ച് തരിയില്ലാതെ ഉടച്ചെടുക്കുക

സബോള - ഒരെണ്ണം പൊടിയായി അരിഞ്ഞത്

ഇഞ്ചി - ഒരു ചെറിയ കഷ്ണം ചതച്ചത്

പച്ചമുളക് - 3 എണ്ണം പൊടിയായി അരിഞ്ഞത്

മഞ്ഞൾപ്പൊടി - 1/ 4 ടീസ്പൂൺ

മുളക്പൊടി - ഒരു ടീസ്പൂൺ

നല്ല ജീരകം പൊടിച്ചത് - 1/ 4 ടീസ്പൂൺ

ഗരം മസാല - 1/ 2 ടീസ്പൂൺ

ഉണക്കിയ മാങ്ങാ പൊടി ( Amchoor Powder ) - 1/ 2 ടീസ്പൂൺ

ഉപ്പ് - ആവശ്യത്തിന്

വെജിറ്റബിൾ ഓയിൽ - 3 ടേബിൾസ്പൂൺ

മല്ലിയില - ഒരു ചെറിയ പിടി അരിഞ്ഞത്

ബട്ടർ - ഒരു ടേബിൾസ്പൂൺ

തയ്യാറാക്കുന്ന വിധം :

1 . 2 ഉരുളൻ കിഴങ്ങ് നന്നായി പുഴുങ്ങി തറിയില്ലാതെ ഉടച്ചെടുക്കുക .

2 . ചപ്പാത്തിക്കെന്ന പോലെ ഗോതമ്പ് മാവ് കുഴച്ച് തയ്യാറാക്കി 15 മിനിറ്റ് റെസ്ററ് ചെയ്യാൻ വയ്ക്കുക

3 . ഇനി ഒരു പാനിൽ ഓയിൽ ഒഴിച്ച് സബോള , ഇഞ്ചി , പച്ചമുളക് എന്നിവ നന്നായി വഴറ്റുക .അതിനു ശേഷം മഞ്ഞൾപൊടി മുളക്പൊടി , ജീരകപ്പൊടി , ഗരം മസാലാ , അംച്ചൂർ പൌഡർ എഎന്നിവ ചേർത്ത്‌ നന്നായി വഴറ്റുക .മസാല പാകമായാൽ പുഴുങ്ങി പൊടിച്ച ഉരുളൻകിഴങ്ങും ആവശ്യത്തിന് ഉപ്പും മല്ലിയിലയും ചേർത്ത് നന്നായി മിക്സ് ചെയ്തെടുക്കുക . മസാലയിലെ വെള്ളം മുഴുവൻ വലിഞ്ഞു പോകും വരെ വഴറ്റിയെടുക്കുക ( ഉരുളൻ കിഴങ്ങിന്റെ കഷ്ണങ്ങൾ മസാലയും ശേഷിക്കാതെ മുഴുവനായും ഉടച്ച് ചേർക്കാൻ ശ്രെദ്ധിക്കണം ).

4 .ഇനി മസാല തണുക്കാൻ അനുവധിക്കുക . കുഴച്ചു വച്ച മാവ് ഈക്വൽ ആയി 7 - 8 ബോൾസ് ആക്കി ഡിവൈഡ് ചെയ്തു വയ്ക്കുക.( ചപ്പാത്തിക്ക് കുഴയ്ക്കുന്ന മാവിനേക്കാൾ അല്പം കൂടി കട്ടിയിൽവേണം പരത്തിയെടുക്കൻ അല്ലെങ്കിൽ ഫില്ലിംഗ് പരത്തിയെടുക്കുമ്പോൾ പുറത്തു വരും.

5 . ഓരോ ബോളും കയ്യിലെടുത്ത്‌ കൈകൊണ്ടു ഒന്ന് ചെറുതായി പരത്തി മദ്ധ്യഭാഗത്ത്‌ ഏകദേശം ഒരു വലിയ സ്പൂൺ ഫില്ലിംഗ് വച്ച് കൊടുക്കുക . ശേഷം മാവ് ചുറ്റിലും നിന്ന് ഫില്ലിങ്ങിനെ പൂർണമായും ഉള്ളിലാക്കി പുറത്തു കാണാത്ത രീതിയിൽ ഉരുട്ടിയെടുക്കുക . ഇനിയിത് ഗോതമ്പ് പൊടി തടവി ശ്രെദ്ധയോടെ പരത്തിയെടുക്കുക ( ഫില്ലിംഗ് പുറത്ത്‌ വരാത്ത രീതിയിൽ ). ഇങ്ങനെ ബാക്കിയുള്ളതും തയ്യാറാക്കി വയ്ക്കുക.

6 .ഒരു തവയിൽ തയ്യാറാക്കിയ പറാത്ത ഇരു പുറവും ബട്ടറോ നെയ്യോ തടവി ഗോൾഡൻ കളർ ആകുന്ന വരെ ഫ്രൈ ചെയ്തെടുക്കുക . റൈത്തയും അച്ചാറും മാത്രം മതിയാകും സൈഡ് ആയിട്ട് . ചൂടോടെ സെർവ് ചെയ്യാൻ ശ്രെദ്ധിക്കുക* .